Son Xəbər: Daşkəsənin Alaxançallı kəndinə sel gəlib, bir sıra fəsadlar törədib, Ukrayna səfirliyi Azərbaycanda uşaqlara göstərilən yardıma görə təşəkkür edib, Azərbaycan və Macarıstan arasında hökumətlərarası komissiyanın iclası keçirilib, Zelenski: Nəhayət ki, Rusiyadan siqnallar eşidirik, Göygöldə avtomobil yolunun əsaslı təmirinə 2 milyon manat ayrılıb - SƏRƏNCAM, Ali Məhkəmə "Tərtər işi"də təqsirləndirilən şəxslərin cinayət işi üzrə qərar verib, ETX: "Telegram" hücumları ilə bağlı mühüm nəticələr müəyyən olunub, Naxçıvanda istirahət mərkəzində bədbəxt hadisə nəticəsində ölən şəxslərin kimliyi məlum olub - YENİLƏNİB, Uşakov: ABŞ-nin Tramp və Putin arasındakı danışıqla bağlı sorğusu haqqında məlumatsızam, "Bloomberg": ABŞ Asiya-Sakit okean regionunda hegemonluğunu itirib,

Bakıda və rayonlarda leysan yağacaq - XƏBƏRDARLIQ

Tarix: 11-08-2025, 17:41

Azərbaycanda müşahidə olunan qeyri-sabit hava şəraitinin həftəsonunadək davam edəcəyi gözlənilir.

Bu barədə Milli Hidrometeorologiya Xidməti məlumat yayıb.

Azərbaycanın rayonlarında fasilələrlə qısamüddətli leysan xarakterli yağış yağacağı, şimşək çaxacağı gözlənilir. Qazax-Gəncə, Balakən-Şəki, Quba-Qusar, Mərkəzi-Aran, Lənkəran-Astara, Dağlıq Şirvan bölgəsinin bəzi ərazilərində yağıntının intensiv olacağı, dolu düşəcəyi ehtimalı var.

Gözlənilən yağıntılı hava şəraiti ilə əlaqədar çaylarda sululuğun artacağı, Böyük və Kiçik Qafqazın, eyni zamanda Lənkəran-Astara bölgəsinin bəzi çaylarından qısamüddətli sel keçəcəyi ehtimal olunur.

Bakıda və Abşeron yarımadasında avqustun 12-dən 13-nə keçən gecə və səhər arabir yağış yağacağı gözlənilir. Yarımadanın ayrı-ayrı yerlərində yağışın qısamüddətli leysan xarakterli olacağı, şimşək çaxacağı ehtimalı var.